لقاء كل يوم, وان طال السفر, ثم ماذا بعد, اراء وتعليقات, كيبورد, ايقاعات سريعه, دبل باص, رأيي, نقاط وحروف, الرؤية السابعة, شمس الحق

أصلو ما بقدر أتخيل وليد بدرالدين دا غير انو بيذكرني ليكم بي الزول الرائحة ليه (شنطة) في صالة الوصول

يتخيل لي لو الحكم قام طرد صلاح نمر ..بنعتبر هلال الأبيض لاعب ناقص.. وناس ابراهومة ذاتهم ما بيقبلو بي الكلام دا

يمين الله الشيخ موكورو جاب ليه أقوان ..لو ما شلاقة صلاح نمر تلعبو في الدوري الانجليزي
 

الغريبة ان عمر محمود خالد شاعر (نهواه في كل الظروف)، عندو أغنية شهيرة عند محمد الأمين اسمها (خمسة سنين)

بي صراحة كدا واضح ان عبدالصمد محمد عثمان مسيطر على الموقف تماماً.. شغال اجتماعات ساكت

الشركة الصينية في (الجوهرة الزرقاء) وصلت للطابق الثالث ..وناس المريخ الى الآن في مرحلة (اجازة) عقد الشركة الصينية

انتوا يا ناس المريخ اقعدوا اتصوروا لي مع (الشركة الصينية) – والكاردينال بتصور مع (شيبوب)

بيني وبينكم (صلع) الطاهر سادومبا وإدوارد سادومبا ..ما عارف الحكم بيفرزها ليكم كيف

“”””””””””””””””””

هسع بعد (الجوهرة الزرقاء) يا أكرم الهادي سليم ..نجيلة ملعب استاد الهلال قالوا طعمها بقى سكر ..سكر

“”””””””””””””””””””””””

(أشرف) براهو عمل (3) طوابق.. مجلس (الشرف) حيطة في النادي ما بعملها ليكم

سمعتوا الكاردينال بالغلط قالوا اجتمع بالشركة الصينية قبل (الجوهرة الزرقاء).. مجلس المريخ عملها كلها اجتماعات مع الشركة الصينية

طيب وقت أي عضو في مجلس الشرف يدفع (20) مليون جنيه ..انتوا جايبنكم لي شنو يا عصام الحاج ويا مزمل..؟

موضوع (الاجتماعات) دا مجلس أسامة ونسي كان قادر عليه.. الموضوع دا ما عاوز ليه (28) عضو في المجلس و(40) عضو في مجلس الشرف